Te ma 5 dis elaborunse, svilupunse, esperimentunse y determinunse la soluziun dles ostes sfidades plü granes tl dagní. Le Design-Sprint é n prozes che mira ala realisaziun de produc, prestaziuns de sorvisc y conzec comerziai tres la proietaziun, la realisaziun de prototips y tesć cun üsc cliënc reai. Al liëia adöm strategia, inovaziun, UX, design, n svilup aslöm y deplü.
Chësta metunse tl zënter de nosc agí y cun l’aiüt de deplü metodes desfarëntes, se metunse tla situaziun de ëra, por reconësce dejiders y bojëgns y por definí la sfidada. Chiló porvarunse spo adöm da se mëte tla situaziun dl grup de destinatars, por capí avisa ci che chisc adora.
Io, i podun baié de problems. Sce i un al intern de nosc team na comprenjiun de problems unitara, spo podunse chirí les mius soluziuns. Chësc é le punt de partënza sön le tru da rové söla piza.
Vignun al intern de nosc team interdisciplinar, pó porté dant süa idea te süa manira – insciö generunse n gran numer de trus de soluziun poscibli. La creativité ne conësc degügn limic – al cunta deplü la cuantité co la cualité. La determinaziun dles idees é chiló avisa tan importanta sciöche la cerna prezisa de n tru de soluziun unich y coletif.
Al vëgn cherié n prototip, a na manira che an pois brancé y vire l’idea. Insciö unse la poscibilité da valuté i cosć/sforc de svilup, da reconësce impedimënc y da mioré y perfezioné l’idea. Fail quickly, fail often.
Le prototip vá sëgn en aziun. La porsona, che é tl zënter de nosc agí, nes dá n feedback diret sön nosc tru d’archirida dla soluziun y i un insciö la poscibilité da stlarí domandes o cosses nia tleres y da mioré le produt o la prestaziun de sorvisc por le marcé.
Sce os colaborëis te un n sprint, spo vára d’ascorté cërtli de discusciun infinis y da trá adöm le laur de mëisc te n’edema sora, impede co aspeté cun l’introduziun de n produt minimal sön le marcé, por capí sce n’idea é buna. Nos coiun adöm conescënzes tleres, testan le prototip al 5. de cun anuzadus y cliënc reai. Le Design-Sprint nes conferësc na superforza: I podarëis ciaré inant tl dagní, por odëi y testé le produt final adöm cun cliënc reai, denanche messëi se tó sö impëgns costusc.
Deache i fajun deplü y i un manco discusciuns. Prozesc d’abilitaziun lunc y l’azetanza al intern dla dita vëgn evitá tres teams interdisciplinars.
Deache i descuriun bojëgns de cliënc reai y i testun i prototips di produc nüs cun cliënc reai.
Deache i sun bele bugn da valuté y rovëne i cosć de svilup tla fasa de realisaziun dl prototip.
Deache i definiun fins tlers y i concordun les propostes de soluziun cun bojëgns de cliënc reai.
Deache i cheriun na manira da ponsé y le svilup di produc vëgn tigní te teams interdisciplinars.
Deachei i portun ite tl prozes le produt, le grup de destinatars y nosta dita.
