Design Thinking
Infidesse da baié de problems, deache ma insciö vára da chirí y ciafé soluziuns. Cun la dërta manira da ponsé, metëise la pera de fondamënta por n dagní rich de suzes y persistënt.
Mëssi sëgn fá n dessëgn?
Design Thinking é n prozes iteratif, te chël che i porvun da capí l’anuzadú, da mëte en dübe presunziuns y da definí problems danü. Insciö podunse ciafé strategies y soluziuns alternatives, che n’é tl mëteman nia atira da reconësce.
Le Design Thinking pîta tl medemo tëmp n‘impostaziun orientada a soluziuns por i problems. Al é sides na manira da ponsé y lauré, sciöche ince na racoiüda de metodes pratiches. Le punt zentral dl Design Thinking é l’interes da svilupé na comprenjiun por les porsones, por chëres che i proietun produc o prestaziuns de sorvisc. Al nes dëida da osservé l’anuzadú final y da svilupé na sensibilité por ël.
Anuzé les tapes cina söla piza sciöche palses
Sön le tru da jí söpert metunse en dübe problems, presunziuns y les implicaziuns. Design Thinking é dër d’ütl pro le superamënt de problems che n’é nia tlers o nia conesciüs, formulan le problem danü, te na manira zentrada sön la porsona.
Te sentades brainstorming vëgnel svilupé idees y pro la realisaziun de prototips y pro i tesć indô analisades criticamënter. Dl Design Thinking fejel ince pert l’esperimentaziun costanta: fá sböc, realisé prototips, esperimenté y porvé fora conzec y idees.
Por che él pa ponsé?
Direturs aministratifs, manajadus de proiec, strategs, designer, direturs de grup, brand-manager, svilupadus: Design Thinking é na manira da ponsé y cheriëia la basa por na manira da lauré inovativa. Fajede le pröm vare devers la piza y laurede te na manira inovativa adöm cun üsc colaboradus y por le dagní de osta dita.
Ciodí él pa d‘ütl?
Impostaziuns d‘inovaziun asveltes ti dará a osta dita de bones perspetives tl dagní. Chiló él important che i trus nüs che os orëis jí, vëgnes sostignis da vignun de üsc colaboradus y dantadöt da os sciöche titolar, diretur aministratif o responsabl di proiec. Os sëis le mënacrëp che regolëia le compas. Na manira da ponsé coletiva cheriëia la premissa por le svilup de produc y impostaziuns de soluziun cun suzes.
Co funzionëia pa val‘ de te?
Inovaziun n’é nia n jüch da mituns, mo cun les dërtes metodes avaliëise te osta dita le tru por n’impostaziun orientada a soluziuns, che fajará odëi bele do da cört tëmp i pröms resultac.
Referënzes
