Strategic marketing

„Cina che al é meso da fá damí, n’é bun nia bun assá.” Dettmar Cramer

Ciafé n tru tres le bosch spës, ti jí do a chësc dal aciampamënt de basa cina söinsom la piza, anuzan les tapes te na manira ütla – chësc é nosc credo. Che an ó y mëss ince tresfora se mioré é tler. Le mioramënt di produc y dles prestaziuns de sorvisc é la premissa de vigni aziënda cun suzes. Mo co savunse pa ci che nosc grup de destinatars adora y dantadöt, co fajunse pa d’arjunje nüsc traverc? La premissa fondamentala por rové a chisc, é na planificaziun strategica, orientada a fins. La basa é l’analisa fondada de nüsc produc y de nostes prestaziuns de sorvisc, tignin dagnora cunt di vantaji por le cliënt.

Vigni scomenciamënt é analitich. Por chësta rajun fajunse analises dl ambiënt macro y dl ambiënt micro. Dales analises resultëiel i USP's, che gnará laurades fora ti vari che vëgn do y che gnará formulades pro le posizionamënt.

Tres le posizionamënt vëgnel garantí che i grups de destinatars relevanc vëgnes baiá ados te na manira persistënta.
Olá oresses pa os rové ti proscims agn, co rovëise pa dailó y dantadöt: le compas de che mëss pa gní calibré por chësc? I ves daidun pro la definiziun y formulaziun dla vijiun, dla misciun y dla diretiva.
Deplü

Ci foss pa le dër tru zënza i dërc partners? I se cruziun de n’indiziun detaiada y dla cerna d’acompagnadus adatá por osc tru tl dagní.

Surandesse a nos la burocrazia y conzentresse sön chël che i savëis da fá le miú: Osta ativité prinzipala. Nos arjignun n’indiziun dla plata internet prezisa cun avisa chi punc zentrai che é relevanc por osta plata internet.
Pro chisc aldel:
la realisaziun dl conzet
le contignü y la navigaziun dla plata internet
les aplicaziuns dla plata internet, sciöche ince
la descriziun dles spezificaziuns tecniches di contignüs.

Tres l’analisa y l’evaluaziun dles ofertes, ves daidunse da ciafé le fornidú y le partner adaté.
Deplü

Nos tignun dagnora le travert sot edl. Sön osc tru ves tolunse jö i pëisc che ne vá nia d’öga, surantolon la coordinaziun cun i partners chiris fora.

Nos se cruziun dla planificaziun y coordinaziun de plates internet, chertes da vijita, jorantins, prospec, placac y sistems de newsletter. Pro nosc sorvisc surantolunse nos le contat cun i fornidus y partners, por podëi insciö alisiré le laur de osc team de marketing.

Adöm cheriunse n’organisaziun y na strotöra otimala dl proiet – la miú basa, nia ma por s’anoté i fins dl proiet sön papier, mo ince por i arjunje te na manira efiziënta.
Deplü

Clics é le catalisadú sön le tru digital. Tres la planificaziun di media y la realisaziun de chësta, cernunse la dërta ruta, por porté deplü vijitadus sön osta plata internet.

Canai sura canai, campagnes sura campagnes? Ëise pordü la suravijiun? Nos chiriun fora por os les plataformes y i media adatá. Do la definiziun di fins surantolunse nos la planificaziun y la fissaziun de mesi finaziars adatá, se cruziun dla cumpra y coordinaziun dles mosöres preodüdes y les sotmetun a n prozes de control y mioramënt. Implü analisunse campagnes de reclam bele atives y dun consëis sciöche chëstes pó gní strotorades te na manira plü persistënta.
Deplü

Por che les campagnes de reclam ais ince suzes y arjunj sü obietifs, se cruziunse nos dla dërta cerna y dl mioramënt di canai de destribuziun.

Nos ciafun y miorun avisa chi canai de destribuziun, che ves porta a dorada lungia, al arjunjimënt de osc travert. Na gran cuantité n’é chiló sovënz nia nezesciara, plü importanta é chiló plütosc na seleziun intenzionada che se basëia sön l’analisa dla clientela.
Deplü